NAGING ABALA SI Naarah paggising niya. Kaagad na inayos niya ang mesa na ginagamit sa labas. Nandoon na rin si Jacob at nagwawalis na sa paligid ng puwesto niya. Hinango niya sa freezer niya ang mga paninda at dinala sa labas para makapagsimula na. Nagsaing na rin siya matapos niyang ayusin ang labas. Naroon naman si Jacob.
Bandang alas siyete na nang dumugin ang ihawan niya. Uwian na kasi ng iba galing sa trabaho. At dahil ayaw na ng mga ito magluto, bumibili na lang ito sa kan’ya. Kaya naman sobrang abala niya nang mga sandaling iyon. Si Jacob na ang pinag-deliver niya ng mga order na kaya nitong bitbitin. As usual, siya kapag medyo malayo at delikadong lugar.
Pagbalik niya galing deliver ay nagulat siya nang makitang nagliligpit na si Jacob. Pinakyaw daw kasi ang paninda niya ng kalap
