"Kapag sa 'yo, 'wag mo ng iiwanan pa. Siguraduhin mong kukunin mo na agad. Para hindi ka na manghinayang kapag may kumuha ng iba." Napatingin na lang ako kay manong. Asawa yata ng nagbebenta nitong BBQ. Aywan ko kung matatawa ako o mababaliw sa linyang 'yon. Tama naman 'yong sinabi ni Xeno, paborito ko talaga ang ulo ng manok, kadalasan kasi sa sidewalk niya ako dinadala noon. Kung naalala n'yo pa ang sinabi ko, mayaman sina Xeno pero mas gusto niya ang simple lang. Tahimik at hindi gaanong magara. Sapat na sa kaniya dati ang kasama ako at nakikita akong nakangiti sa tabi niya.
"Tara na. Marami pa tayong mabibilhan niyan." Hinila ako ni Kim para makalipat na kami sa kabilang p'westo nang nagsalita si Xeno sabay pigil sa kamay ko. Napasinghap ako ng maramdaman ang higpit ng hawak niya. Kit
