Chapter XIII
Kung bakit ba naman kasi sa dinami-dami ng puwedeng paglaruan ng tadhana, ako pa ang napili niya? Ang dami namang walang trip dyan, mga tambay, palamunin, walang magawa sa buhay, masasamang tao, sawi sa pag-ibig, walang nakakausap, baliw, loka loka. Bakit ako pa? Ano ba ang nagawa kong atraso sa kanya at ako ang napili niya? Kasi naman biglang nagbago ang mood ng mundo ko dahil lang sa isang stick ng ulo ng manok. Pagkain lang naman 'yon, kaso may hugot ng konti.
Bumuntong hininga ulit ako ng pang-ilang beses na yata. Kanina ko pa rin tinitingnan ang screen ng cellphone ko. Wala ‘to. Tinitingnan ko lang kung gaano ako kaganda. Psh. Wallpaper ko ang sarili ko. Sabi pa nga nila, love yourself.
Kinakalikot ko ang cellphone ko ng narinig kong bumukas ang pinto. “Best?” sabi niy
