"OKAY lang naman ate. Pero ang hiling ni Inay ang makita ka at si Mr. Clinton. N—Nalaman kasi naming ikakasal ka sa kanya, totoo ba ate?" Medyo nauutal na tanong ni Greg sa kanya.
Pinakatitigan ni Thess ang mukha ng kapatid. "Totoo iyon, Greg. Dahil iyon ang hiling ng namayapang si Mr. Clinton Sr. Ang ikasal ako sa nag-iisa niyang anak na lalaki," sagot niya sa kapatid.
"Pero ate... sigurado ka na bang magpapakasal ka sa taong hindi mo mahal at hindi mo pa masyadong nakikilala?" seryosong tanong sa kanya ni Greg.
"Para sa inyo, gagawin ko ang lahat. Kahit ang sariling kaligayahan kaya kong isakripisyo, pakiusap ko sa'yo.'wag na sanang malaman pa ni Inay ang katotohanan," malungkot niyang sagot sa kapatid.
"Pero ate..."
Naputol ang usapan nilang magkakapatid nang sumingit si Zavier
