INAYOS niya ang ilang mga garbage bag para paglagyan ng ilang tuyong dahon. Nililipad ng sariwang-hangin ang kanyang mahaba at maalon na buhok.
"Hija, salamat at narito ka. Alam mo bang naririndi na ako sa mga tuyong dahon na ito?" Palatak ng isang kawaksi sa kanya.
"Normal lang po 'yan, as long na napasadahan niyo ng walis, itigil na. Basta lang hindi natatabunan ng tuyong dahon ang madaanan," nakangiting sagot niya rito.
"Hija, totoo ba ang usap-usapan na may gusto raw sa'yo si Mr. Clinton?"
"Naku, fake news po 'yan. Uso po ngayon ang ganyan kaya 'wag niyo na lang pong pansinin," naiiling niyang sagot dito.
"Gano'n ba, loko talaga itong mga kasamahan natin. Sugar daddy mo raw si Mr. Clinton?"
Hindi niya napigilan ang sarili at nagpakawala siya ng isang malutong na halakhak. Hin
