"NAGUGUTOM na ako," bulong ni Zavier sa kanya.
Kasalukuyang nagluluto pa sila ng Inay niya. Napalunok siya. Kahit naman mataray siya rito, may hiya rin naman siya.
"Sandali lang," aniya kay Zavier.
Nilapitan niya ang kanyang Inay. "Nay, gutom na raw si Zavier. Nakakahiya, Inay. Pagod pa naman iyan kanina dahil sa mga trials niyo," aniya sa kanyang ina. Nakaramdam tuloy siya ng matinding guilt.
"Naku, gano'n ba? Sige lang, malapit na naman itong niluto natin. Ihanda mo na lang ang mesa," utos sa kanya ng ina.
Nakangiting sumenyas siya kay Zavier sa mesa. Dumiretso siya sa lalagyan ng mga plato, kubyertos at kutsara. Kumuha siya ng mga iyon at dinala sa mesa. Nilapitan siya ni Zavier para tulungan.
"Bakit ka pa tumayo?" takang-tanong niya rito.
"Tulungan ka," simpleng sagot naman
