"SALAMAT, Aling Trina."
"Walang anuman, hija. Sige na ako na ang bahalang magpadala nito kay Greg at para kumustahin na rin ang kalagayan nila ron."
"Sabihin niyo na rin po sa kanila na kasalukuyang nagta-trabaho na ako sa Clinton building."
"Makarating sa kanila, hija. Sige na, magpahinga ka na at halatang pagod na pagod iyang anyo mo. May pagkain don sa kusina, kumain ka na rin ng hapunan."
"Sige po, salamat."
Humugot siya ng isang malalim na buntong-hininga. Ang totoo, namiss na niya ang kanyang pamilya. Gusto niya sanang mabisita man lamang ang mga ito every weekend pero expected na hindi siya papayagan ni Zavier.
Dumiretso na siya sa kusina dahil ang totoo ay nakaramdam na naman siya ng gutom. Nakangiting nadatnan niya ang ilang mga kawaksi.
"Thess, halika kumain ka rito. Hij
