PAGKATAPOS nilang magluto ay inayos na rin ni Thess ang dinning area. Tamang-tama at may narinig siyang ilang yabag. Nag-angat siya ng tingin, nakasalubong niya agad ang pilyong ngiti ni Zavier. Umirap siya rito, ibinaling niya ang tingin sa kanyang ama na ngayo'y seryosong nakipag-usap kay Atty.
"Sir, tulad ng sabi niyo. Handa na po ang lunch," ani Aling Trina kay Zavier.
"Thanks," nakangiting saad ni Zavier. "Dad, Atty., kumain muna tayo ng lunch," turan ni Zavier sabay iminuwestra ang bilog na mesa na may iba't ibang pagkain na nakahain. Palihim na natakam si Thess.
Saka naman umalis na sina Thess kasama sina Aling Trina at ang ilang mga kawaksi. "Tsk, nagutom ako sa ilang mga nakahandang pagkain sa mesa kanina," ani Thess sabay himas ng kanyang maliit na tiyan.
"Tara, sa kusina tay
