Awtomatikong nagmulat ng mata si Jessica nang marinig ang tunog ng kanyang cellphone. Agad siyang bumangon ng mabasa ang mensahe ni Turn. Hindi na siya nag-abalang mag-ayos ng sarili at dire-diretsong bumaba patungo sa study room kung saan nag-hihintay ang lahat.
Siya na lang pala ang kulang. Prente ng nakaupo sina Hunter at Turn habang nakapangalumbaba sa mesa si Morphin. Padaskol siyang umupo sa isang upuan at matiim na tinitigan ang mga lalake sa kanyang harapan.
"What now? Ano bang meron 'yang Kent Guevarra at hinahabol siya? Morphin?"
Nagtaas ng mukha si Morphin. Naging seryoso ang mukha.Tumayo ito at isa isang inabot sa kanila ang isang folder.
"Laman niyan ang impormasyon tungkol kay Scarlet Pineda. Anak ni Congressman Arnulfo Pineda. Lingid sa kaalaman n
