Nang pakiramdam niyang tulog na si Jessica ay iminulat ng binata ang kanyang mga mata. Napangiti siya ng maalala kung paanong gumanti ng yakap ang dalaga ng yakapin niya ito kanina. Natutuwa talaga siya kapag nakikita niyang naaasar ito kapag kinukulit niya. Ang cute nito kapag salubong ang kilay at kumikibot-kibot ang nguso. Napakaganda din nito. Pinakagusto niya rito ay ang mga labi nitong natural ang pagkapula. Naging mannerism na rin nito na kagat-kagatin ang labi lalo na kapag nahihiya o hindi mapakali. Naiinis siya sa sarili dahil hindi niya mapigilang mag-init dahil sa ginagawa nito. Sa iilang beses nilang pagkikita ay napansin na niya iyon. Sa kabila din ng pagiging matapang nito ay naroon ang lungkot sa mga mata nito. Mula ng makita niya ulit ito,ipinako niya sa sarili ni
