"Sige na, Arnold. Umuwi ka na please?!" Halos ipagtulakan ni Juliana ang nobyo nito palabas ng kanilang boarding house.
Napapakamot na lang ng ulo niya si Rose habang panaka-naka ang pagsulyawo niya sa orasang nakasabit sa dingding ng pinakasala ng boarding house. Hindi nila naisip na gagawin nga ito ng binata. Mas natuon kasi ang isip nila sa hindi dapat puntahan lang ni Juliana si Arnold. Nawala sa isip nila na pwedeng si Arnold ang pupunta rito. Natatakot na ulit sila sa pwedeng mangyari! Sh*t!
"P-pero pumunta ako rito kasi nag-aalala ako sa 'yo. Akala ko may sakit ka?" takang-taka naman ang binata sa inaasal ni Juliana. Akala pa naman kasi nito ay matutuwa ang dalaga.
"Sige na, Arnold. Saka na lang kami magpapaliwanag sa 'yo," sumabad na siya sa magkasintahan kasi kabadong-kabado na
