NAPAMAANG ako, hindi makapaniwala nang huminto ang kotseng sinasakyan namin sa harap ng isang private plane dito sa airport. At pagkahinto ng kotse ay may dalawang naka-suit na lalaki ang agad na lumapit at binuksan ang pinto ng sasakyan para makababa na kami ng boss nila.
Hindi ko mapigilan ang mapalunok, lalo na nang mapansin sa dulo ng mata ko ang pagtitig sa akin ni Cole na para bang hinihintay ang pagbaba ko ng sasakyan.
Shit. What should I do now? Talagang dito ako dinala ng sindikato na 'to, seneryoso nga ang sinabi ko na gusto kong pumunta ng Japan. Hays, gusto ko tuloy batukan ang sarili ko sa padalos-dalos na pagsabi.
Nang hindi pa rin ako kumilos ay bumaba na si Cole at umikot sa kabila papunta sa kabila kung saan ang puwesto ko. Hanggang sa hindi ko inaasahan ang paglahad
