EXCITED akong makarating ng Japan sa totoo lang kasi matagal ko na talagang pangarap na makapunta sa malalamig na bansa. Kaya naman nang makarating kami ni Cole ng Tokyo ay hindi kami agad dumiretso sa hotel, tanging mga tauhan niya lang ang kanyang pinaasikaso sa mga gamit namin, at niyaya ko naman siyang mamasyal agad dahil nga sobrang excited ako makapaglibot-libot at makita ang kagandahan ng Japan. Pinagbigyan naman niya ako at namasyal nga kaming dalawa habang nakabuntot ang kanyang ilang mga tauhan sa amin. Nag-enjoy naman ako sa aming pamamasyal at parang nawala ang takot ko sa kanya, kasi sa totoo lang, ang sarap niya palang kasama, napakagaan sa pakiramdam. Seryoso siya kung minsan pero go lang sa mga gusto ko, at kahit saan ko siya hilahin ay talagang nagpapahila sa akin nang wal
