THREE DAYS PASSED.
Sa loob ng lumipas na tatlong araw ay nanatili lang ako sa loob ng mansion ni Oliver; hindi niya ako hinayaan na makalabas, ang dahilan niya ay kailangan munang gumaling ng sugat ko bago niya ako ihatid sa bahay namin. Pero tuwing hinihingi ko naman sa kanya na ibalik na niya ang phone ko para matawagan ko ang kapatid ko at makumusta ang operasyon nito ay ayaw naman niyang ibigay, saka na raw kapag gumaling na ang sugat ko, puro gano'n lang ang kanyang dahilan. Pero masama talaga ang kutob ko, pakiramdam ko ay sadyang ayaw niya lang talaga akong pauwiin. Ang sabi pa niya ay siya na ang bahala sa mga kapatid ko at manatili lang ako sa kanyang mansion. Hindi ko lang alam kung ano ang ibig niyang sabihin doon, parang ang weird niya. Minsan tuloy ay naiisip ko na lang na ba
