Build new memories. Iyon ang nasa isip ko buong magdamag. Bagong mga alaalang tanging kami lang dalawa.
Maaga rin akong nagising kinaumagahan kahit na nga halos hating gabi na akong dinalaw ng antok.
Nakatulog na ako at lahat ay wala pa rin akong naisip na plano para simulan ang gusto kong gawin.
Hanggang sa mapatingin ako sa telebisyon. May morning news ng palabas ng ganitong oras at tamang tama naman na pasyalan ang naka-feature doon.
Napangiwi ako nang makita ang kinaroroonan ng artistang host. Enchanted Kingdom! Ang lugar na, hate na hate ko lang naman since my grade school and high school days.
Tuwing may field trip isa ang Enchanted sa mga laging pinupuntahan ng school namin. Star City, National Museum, Manila Zoo, pabrika ng mga pagkain at kung anu ano, at ang walang kamatayang
