SA ISANG iglap, ramdam ni Raven ang mas malaking pagbabago sa kaniya sa Ellison University. Kahit na, hindi pa siya pormal na nakikipaglapit ulit kay Lhorde, bilang isang kaibigan, mas malaki naman ang impact na ginawa nito ngayon.
Hindi pa nga nakuntento at inihatid pa siya papunta sa mismong department building niya matapos nilang kumain ng tanghalian sa cafeteria.
“Lhorde, hindi mo na kailangan pang samahan ako sa classroom ko,” saway niya rito sa binabalak nito.
“I just wanted to make sure na safe and sound kang makakarating sa classroom mo.”
Napabuga siya ng hangin sa kaniyang bibig. “Safe akong makakarating doon, Lhorde. Sinabi ko naman sa iyo na kaya ko ang sarili ko.”
“Laban sa lahat?” baling nito sa kaniya.
Hindi agad nakapagsalita si Raven. Hanggang saan nga ba ang kaya niy
