Clyde
Simula nang umalis si Jane sa aking bahay ay balik sa normal ang aking buhay. Wala naman masyadong bago sa aking buhay ngayon bukod sa pumapasok pa rin ako sa aking trabaho. Busy akong inaaral ang extension ng aking school building nang makatanggap ako ng tawag sa aking intercom. Agad ko naman itong sinagot at narinig ko ang boses ng aking sekretarya.
“Sir, nandito po ngayon si Sir Jethro at Sir Earl. Papasukin ko po ba?” tanong niya na ipinagtaka ko.
Ano naman kaya ang kailangan nilang dalawa? “Sige papasukin mo na lang sila.”
Nagbukas ang aking pinto at hindi ko na inangat ang aking tingin dahil alam ko naman na sila ang pumasok.
“Dude, kumusta na bro. Ang seryoso natin ngayon ah?” rinig kong tanong ni Earl.
“I’m working Earl. Of course, I will be busy. Saan
