Clyde
Hanggang ngayon hindi pa rin ako makapaniwala na si Mrs. Sanchez ang tagapagmana ng Red Scorpions. Matapos naming pag-aralan ng mabuti ang kinuha naming kahon sa bahay-ampunan ay binalik at iniwan ni Earl ito sa mismong harap ng pinto ng gusali. Kami naman ni Jethro ay bumalik na sa siyudad. Hinatid na ako ni Jethro sa bahay ko muna at sinabing tatawag na lang siya oras na may malaman na siya tungkol sa mga magulang ni Jane.
Pagpasok ko ng aking bahay ay agad akong dumiretso sa aking kwarto at humiga. Umaga at wala akong gana na pumasok sa aking trabaho ngayon. Ipinikit ko ang aking mga mata at minulat itong muli nang maalala ko si Jane. Hindi ko nga pala siya na-text dahil sa dami ng ginawa namin. Tsk! Napailing na lang ako sa ginawa namin kagabi. Linabas ko ang aking telepono
