CHAPTER 36
Tumulo ang aking luha. Para akong nanghina. Paano na ang lahat ngayong buntis nga talaga ako!
Kinuha ko ang pregnancy test ko. Iisa lang ang nasa isip ko noon. Kailangan ko nang puntahan si Bryan. Sana maabutan ko pa siya. Kailangan niyang malaman ang resulta ng aming kapusukan. Kailangan niya itong panagutan.
“Oh anong nangyari? Anong resulta?” sunud-sunod na tanong ni Ate Champagne.
“Positive po ate. Buntis po ako.” niyakap ko siya, Humahagulgol na ako.
Hindi na muna siya nagsalita. Hinaplos-haplos niya ang likod ko. Pinapatahan. Lumuwang ang pagkakayakap niya sa akin. Hinarap niya ako at hinawakan niya ang palad ko.
“Paano ngayon ‘yan? Alam na ba ng boyfriend mo?”
“Hindi pa ho.”
