Napatalukbong ako sa kumot ko nang muling tumunog ang cellphone ko, pinipilit na huwag ‘yong pansinin kahit kanina pa tumutunog.
“Five minutes,” bulong ko pero lumipas ang ilang segundo na hindi tumitigil ang alarm. Inis akong napabalikwas at dinampot ang cellphone ko.
Nang tingnan ko ang oras ay alas-nwebe na. Wala na rito sa kwarto sina Mauve at malamang ay kanina pa gising. Binuksan ko ang cellphone at agad na nakita ang isang text galing kay Jared. Hiningi niya nga pala ang number ko noong isang araw.
From Jared:
What time should I pick you up?
“Huh?” nagtatakang usal ko. “Anong pinagsasabi nito?”
Nag-scroll ako sa messages niya sa ‘kin sa IG hanggang sa bigla akong may naalala.
“Pumayag ba akong makipag-date?!” Napasabunot ako sa buhok ko. ‘Yong sinasabi niya noong nakar
