Nakalabas ng arena sina Dami. Sa isang madilim na sulok sila nakarating nang huminto si Upher at hinawakan sa braso si Dami.
“Paano ang Examination?” Tanong ni Dami sa kanya.
“Mas importante ito, Dami. Buhay ng kaibigan mo ang nakasalalay!” Giit ni Upher. “Si Amara na ang bahala sa lahat ng ito pagkatapos,” Patuloy niya.
Kumapit nang mahigpit si Dami sa kanya nang maramdaman ang enerhiyang pinapakawala niya. Pumikit siya nang hindi niya makayanan ang lakas ng enerhiyang humihigop sa kanya. Mas malakas na kumpara sa time machine na ginamit ni Dr. Herq upang makapunta siya sa nakaraan.
Sobrang lakas ng kinukubling kapangyarihan ni Upher.
Biglang kumalma ang kapaligiran. Nahinto ng kalulugay ang kanyang buhok kasabay ng pagtahimik ng hangi at ng enerhiya. Unti unti niyang binuksan ang m
