Rinig na rinig ni Dami ang hiyawan mula sa manonood sa itaas ng arena. Si Rhinega nama’y nakatingin lang sa kanya, nililibot niya ang kanyang paningin sa malawak na arena upang hanapin si Shin.
Ngunit, hindi niya ito nakitang lumabas. Duda niyang hindi pa ito tapos sa Tier 1 o di kaya’y hindi nakapasok sa Tier 2.
Huminga siya nang malalim nang pumagitna sa kanila ang isang sexy’ng babae na halos hubad ang kasuotan. May dala itong microphone at malakas na humiyaw sa mga manonood kung handa na ba sila.
Mas lalong lumakas ang hiyawan mula sa madla.
Itinaas ng referee ang kanyang kamay sa ere habang ang isang kamay ay nakahawak sa mikropono.
“Maghanda in 1… 2… 3..”
Saktong pagbaba ng kanyang kamay sa ere ay dali dali siyang sinugod ni Rhinega. Hindi agad nakahanda si Dami dahil sa pa
