“ANO sa tingin mo ang nakita mo?” Tanong ni Shin kay Dami. Nakaluwa pa rin ang mga mata ni Dami. Kanina pa hindi ma kumukurap.
Nilapit ni Shin ang metal na kamay kay Dami, agad naman naalarma si Dami at tinago ang kanyang mukha sa kanyang braso.
Nagtaka si Shin kung kaya’t agad niya itong binaba at napatingin na lang dito. “Walang sinabi si Dr. Herq na may ganitong lalabas, akala ko’y parang improvise lang.” Aniya.
“Paano ba iyon nangyari, Shin?” Tanong ni Dami.
Kunot noo niyang inalala ang nangyari. “Binanggit mo si Rhinega.” Aniya.
Tumayo si Dami na parang may paraang sumagi sa kanyang isipan. Lumayo siya at hinanda ang sarili. Pinagtaka naman iyon ni Shin kung ano ang ginagawa ng Dalaga at nagmimistula itong timang.
“Rhinega, Rhinega, Rhinega.” Aniya. Mas lalong kumunot ang noo ni
