MINULAT ni Shin ang kanyang mga mata. Una niyang nasilayan ang dalawang dextrose sa itaas na nakakabit sa kanya at ang puting kisame. Nangangalay ang kanyang likuran tuwing sinusubukan niyang tumayo.
Bumaling siya kay Dami na kasalukuyang natutulog sa kanyang tabi. Nakakapit ito sa kanyang metal na kamay sa kanang bahagi. Napatingin naman siya sa kanyang braso at palad. Sinubukan niyang igalaw ito at laking gulat niya nang sumang ayon ang kamay sa nais nitong gawin.
Inangat niya ito sa ere, tiningnan ang bawat angulo nito. Huling naalala niya ay nakipaglaban si Dami sa mga Spectre at sa mga nilalang na naka itim na balabal. Naputol ang kanyang kamay nang inihagis siya ng isang nilalang. Pilit niyang inaalala ang mukha ng nilalang na iyon ngunit naging malabo ito sa kanyang isipan.
Hang
