NASA LIKURAN NA bahagi ako ng sasakyan nakaupo at kasama ko rito sina Sir Atlas at Alathea. Ito ang pwesto ni Sir Atlas sa kanilang sasakyan kung saan wala siyang makikita na kahit ano mula sa labas. Hindi nga rin namin makikita sila Sir Arquil kung hindi namin sasadyain. Kung masama lang kaming tao, madali lang kidnapin si Sir Atlas. Pwede naming gawin iyon kung gugustuhin namin pero hindi iyon kaya ng konsensiya namin. Lalo pa at nakilala ko na siya na may mabuting puso.
Nasa tapat ako ni Sir Atlas at katabi naman niya si Alathea na halatang nasasabik ng makauwi sa kanila. Kanina pa niya ipinagmamayabang sa akin ang galaxy themed na kwarto niya. Nasasabik na rin tuloy akong makita kung ano ang itsura nito.
Nagbabasa lang ng libro si Sir Atlas. Wala ba siyang balak kausapin ako? Nakaii
