PALAKAD-LAKAD si Lanie sa harap ni Isabel katabi nito si Lola Delyn na mataman lang nakatingin sa anak.
“Wala na tayong magagawa kung ‘yon ang gusto ng mga bata, anak. Isa pa, nasa tamang edad na sila para magdesisyon sa sarile nila. Isipin mo na lang ang kaligayahan ng mga bata lalo na ni Isabel. Ngayon lang siya naging masaya ipagkakait mo pa ba?”
Napatingin si Isabel sa lola niya napangiti siya dahil higit kaninuman ang matanda lang talaga ang nakakaintindi sa kanya.
“Ano pa nga ba ang magagawa ko, Inay? napakatigas ng ulo ni Winston. Kung si Isabel lang alam kong makikinig siya sa akin pero kung sino pa ‘yong anak ko talaga siya pa ang hindi nakikinig. Isabel, anak, mangako ka sa akin na hindi ka muna magbubuntis kasi kailangan mong matapos ang pag-aaral mo. Pinapangako ko sa ‘y
