PANGITI-NGITI si Isabel nang lumabas ng banyo. Ngunit nagulat siya dahil nakaupo na si Lola Delyn sa kama. Hawak ang tungkod nito at malayo ang tingin.
“Lola, kumusta po kayo dito?” umupo siya agad sa tabi ng matanda at nagmano siya.
“Kaawaan ka ng diyos, apo.” Tugon ng matanda kaya napangiti ng bahagya ang dalaga.
“Apo, nanghihina ako dito sa mansyon. Sa kapatagan ang buhay ko Isabel kaya sana payagan mo na akong makauwi sa atin.”
“Gustohin ko man lola pero mag-isa lang kayo doon. Paano kung may masamang mangyari sa inyo? matanda na kayo kaya nga ang gusto ni Mama dito tayo sa mansyon kasi maraming katulong dito. Mas comfortable ako kung narito kayo.” Mahabang paliwanag ni Isabel. Hindi kumibo si Lola Delyn ngunit bakas ang lungkot sa mga mata nito.
“Sige po ganito na lang lola.
