HAPON na nang matapos ang bahay kubo nina Isabel at lola Delyn. Si Winston naman ay natanaw niyang sumakay ng motorbike nito.
“Isabel, uuwi na ba ‘yong kapatid mo?” tanong sa kanya ni aling Buday.
“Siguro po, Tiya.” Sagot niya.
“Aba’y hindi manlang nagpaalam sa ‘yo. Pero ang gandang lalaki niya Isabel sayang at mag-aasawa na pala siya. Sabagay, kung ako naman ang girlfriend niya ay hindi ako mapapalagay kong hindi pa kami kasal. Baka maagaw pa ng iba. Siguro napakaganda rin ng mapapangasawa niya?”
“Opo Tiya, napakaganda nga ni Pinky. Naiinggit nga ako eh kahit mga kuko ko walang sinabi sa kanya.”
“Maganda ka kaya Isabel matangkad at malalaki ang hinaharap mo at malaki ang balakang mo. Dagdagan pa ng puwet mong maalsa ‘yon lang ay morena ka eh alam mo naman mas attractive talaga a
