CHAPTER 33
“Khaye, kinuha ni Jc ang address mo diyan sa Pilipinas,” pagpapatuloy niya. “Pati ang cellphone number mo.”
“Bakit mo naman ibinigay? Di ba sinabi ko sa iyo na huwag na huwag mong hahayaang makuha niya ang address ko rito? Saka akala ko ba kasi iniwasan mo na yung taong ‘yan. Hayan tuloy, hindi tayo makalayo-layo sa kaniya.” Nairita ako sa ginawa niya. Hindi ko alam kung sadyang tanga lang si Joan o nananadya na. Pero kahit anong inis ko, pinili ko pa ring kumalma. Ayaw kong makapagbitaw ng salitang hindi niya magugustuhan.
“E, kasi, nagyaya siyang uminom tapos hayun nalasing ako.”
“Hay naku.” Huminga ako ng malalim. “Same scenario. Nag-inom na naman kayo, nakalimot ka na naman. Nangako ka e, di ba?”
“Khaye, makinig ka muna.”
Buntong-hininga lang uli ang sinagot k
