Nagulat siya sa ginawa ng kanyang mahal na asawa pero minabuti niya na pakalmahin ang sarili. Hindi makakatulong kung sasabayan niya ng galit ang pinapakitang galit nito ngayon, kaya naman ngumiti siya nang bahagya at marahang hinawakan ulit ang kamao nito na natitiyak niyang nasaktan dahil sa paghampas nito sa table ng kanilang mini bar.
Hindi naman iyon binawi ng lalaki parang nabigla din ito sa ginawa kaya siguro hinayaan na lamang nito na hawakan niya ang kamay nito. Kapagkawa'y dinala niya iyon sa kanyang labi at hinagkan ng marahan at saka hinipan niya iyon ng ilang beses.
Kunot noo namang nakatingin lamang sa kanya si Audrix pero hinayaan niya ito. Nagpapasalamat na lamang siya dahil kahit papaano ay kumalma na ang kanyang asawa pagkuwa'y ibinalik niya ang kamay nito sa pagkakap
