IMBES na makapokus sa trabaho si Kana, hindi niya magawa. Ukupado ni John ang isip niya. Ilang linggo nang kakaiba ang kinikilos ni John sa kanya. Sa tuwing tinatanong niya kung ano ba ang problema, tatawagin siya nitong hon tapos magiging malambing at sasabihin na wala naman daw. Sumasakit ang ulo niya kakaisip nang dahilan. Tinanong na niya si Simone at ang Mommy niya pero wala namang sinabi ang mga ito. Maging ang mga kasamahan ni John na sumusunod sa kanila lagi ay wala ring idea. Kaya malapit nang sumabog ang isipan niya kakaisip ng dahilan kung bakit biglang nagbago ang isip nito.
Umattend nga siya ng conference, ang ending, panay ang tanong niya kay Maricel ng mga napag-usapan. Mabuti na lang at may minutes ito ng kanilang meeting at doon nito binabase ang mga sagot sa mga naging t
