[Lucy's POV]
Nasan ang red carpet?
Muntik na akong mapasigaw ng ganyan dahil agaw eksena ang pagpasok namin ng RBS Construction Firm. Hindi ko alam kung concern lang ba si Raizel sa kalagayan ko o may hidden agenda sa likod ng ginagawa niya.
Buhat lang naman ako ng mahal na mafia lord habang nakasunod sa likod naming dalawa ang grupo ni Trace hawak ang wheelchair na pinahanda nito para sa akin kanina. Kulang na lang ipagsigawan nito sa buong building na malapit na kaming ikasal at walang maaring humadlang sa amin maging ang sarili nitong pamilya.
"Stay here and wait for my return," mariin niyang sabi, ilang minuto pagkatapos naming makarating sa malawak at nakakalula sa ganda niyang opisina.
Wala sa sarili naman akong napatango, ayaw pa rin kasing tumikom ng bibig ko dahil sa labis na
