Chapter Seventeen
Nag-almusal na kami. Ako, si Nevara, at si Boss. Topic nila ay trabaho. Kaya naman tuloy lang ako sa pagkain na akala mo'y sarili ko lang ang mundo. Wala rin naman akong alam sa pinag-uusapan nila, eh. May pagkakataon na kahit busy si boss sa pakikipag-usap kay Nevara ay nakukuha pa rin nitong lagyan ng ulam o kaya kanin ang plato ko. Hindi naman ako makatanggi. Dahil sa tuwing ginagawa niya iyon ay para akong napipipe.
Hindi makapagsalita. Hindi makatanggi.
Kaya nga natapos ang agahan na busog na busog ako, eh.
Ngayon ay nasa sala naman kami ni Nevara. Si boss ay umakyat sa kwarto niya.
"Tumawag ang tauhan. Nasundo na raw ang kapatid mo at si Sassy. Papunta sila sa Zimmer's Hospital."
"Kaya siguro hindi sumasagot si Sassy sa tawag ko." Napabuntonghininga ako.
