Chapter Fifty-five
"Ate Bituin!" tuwang ani ni Rosally nang makita niya ako. Sa likod ng mansion lumapag ang helicopter. Nag-helicopter na kami pagbaba namin ng bundok. May mga kanya-kanyang sundo ang mga kasama namin. Kaya sa San Ildefonso pa lang ay naghiwa-hiwalay na kami.
"Rosally!" napabitaw na ako sa kamay ni Quiran at dali-daling lumapit sa kapatid ko. Lumuhod ako't yumakap dito. "Kumusta ka? Pasensiya ka na, ha. Wala kasing signal sa bundok. Kaya hindi ako nakatawang."
"Okay lang po, nasabi naman po sa akin iyon." Pansin ko na medyo umo-okay ang kutis ng kapatid ko. Halatang alagang-alaga ito.
Tinignan ko si Coralyn at Caralyn.
"Salamat sa pag-aalaga kay Rosally."
"Pansin po ba ninyo ang changes sa kutis niya?" nasa tinig ni Caralyn ang excitement.
"Oo. Saka parang medyo nag
