Chapter Thirty-two
"Salamat, Boss Quiran. Nag-enjoy po ako sa pamamasyal natin." Nasa biyahe na kami pauwi. Pinakamasaya talaga iyong tiyan ko dahil sobrang sasarap ng mga pagkain na kinain namin eh.
"Glad to know that. Kung hindi ako busy ay ipapasyal din kita sa mga pasyalang alam ko."
"Sayang. Gusto ko rin sanang makapasyal si Rosally. Iyong ma-experience niya ang mga nae-experience ko ngayon. Pero soon 'no? Kapag healthy na siya. Kapag kaya na ng katawan n'ya."
"That's right. Magagawa rin ninyo iyan ni Rosally."
"Excited na akong dumating ang araw na iyon." Medyo traffic kaya naman mabagal ang usad namin nito. May pagkakataon na pasulyap-sulyap ito sa cellphone niya. Nang tumunog iyon ay agad niyang sinagot.
"Ready na ba, Nevara?" tanong nito. "Yes, pauwi na kami. Tapusin na
