Chapter Nineteen
Tulog si Rosally nang makapasok ako sa kwartong uukupahan namin dito sa bahay ni Dyosa. Hindi ko na ito inistorbo. May foam na roon, may mga unan, kumot, at ilang gamit na kakailanganin talaga namin.
Maayos ding nakalagay sa mesa sa sulok ang mga gamot ng kapatid ko. May stock din itong tubig doon. Siyempre, bukas din ang aircon. Iginilid ko muna ang bag. Nasa kusina si Sassy, si Dyosa ay pumasok sa club. Maghahapunan muna kami ni Sassy bago ako tatabi sa kapatid ko. Saka ko na rin pala aayusin iyong bag na may lamang pera. Bukas na siguro iyon.
Nang lumabas ako'y pinuntahan ko si Sassy sa kusina. Nakahanda na ang hapunan. Nang umupo ako'y kasabay na inilapag ng babae ang isang notebook.
"Ito po iyong listahan, ate." Magalang na ani ng babae.
Dinampot ko iyon at tinig
