Pagkaupo ko pa lang sa aking upuan ng makapasok na sa loob ng room ay agad naman akong dinaluhan ng mga kaibigan s***h kaklase ko. Nagkukwentuhan kami sa mga nangyayari sa araw ng kanilang pagsalubong ng bagong taon.
Puro tawanan lang ang maririnig namin dahil wala pa ang professor. May kanya-kanya namang ginagawa o kausap ang mga iba naming kaklase. Nang matanaw ko kung saan nakaupo si Karen, nasa upuan lang ito at nagbabasa na naman ng libro, may kumakausap naman sa kanya pero ang attention niya ay nasa mga libro lang.
Napaisip ako, kung kailangan ko ba siyang kausapin pero saka na lang yata kapag may tamang ebidensya na ako. Simula kasi noong nangyari sa mansion ay parang lumalayo na ang loob niya sa akin o talagang ganito lang kaming dalawa at depende na lang kung sino unang kumibo.
