"Ms. Tiffa!" humahangos na tawag ni Karen sa kaniyang amo.
Nagsalubong ang kilay ni Tiffa nang makita ang itsura ng kaniyang alalay na hinahabol pa ang hininga dahil sa hingal.
"Oh, ano'ng nangyari sa 'yo? Para kang nakipaghabulan sa aso, ah," mapang asar na sabi niya sabay ngisi, itinigil niya ang ginagawang pagbabasa, itiniklop ang hawak na libro at ipinatong sa ibabaw ng kama.
Hindi naman pinansin ni Karen ang pang aasar niyang iyon.
"Pinapatawag ka ng daddy mo," sabi nito.
"Bakit na naman? Ano na naman ang kailangan niya sa akin?" inis na tanong niya. Sawa na siya sa kasesermon ng kaniyang ama sa tuwing magkikita na lang sila. Isa pa, inis siya rito dahil hanggang ngayon ay hindi pa rin siya nito pinapayagang lumabas ng bahay at makipagkita sa kaniyang mga kaibigan.
"Hindi ko al
