Maaga pa lang ay gising na si Archer. Sumabay siya kay Ador na mag-almusal. Dinala nila ang kanilang pagkain sa garden. May lamesa at upuan doon kaya naman doon sila pumuwesto. Mas gusto pa niya na kumain sa labas kesa sa kusina dahil dito ay walang kasambahay na nakatanghod sa kaniya habang kumakain, hindi nakakailang at nakakakain siya ng maayos.
Nagkwentuhan sila ni Ador habang kumakain. Iilan lang naman kasi silang lalaki na naninilbihan sa mansiyon at ang iba ay may mga edad na. Sila ni Ador ay hindi naglalayo ng edad, matanda lang ito sa kaniya ng tatlong taon kaya sila ang madalas na magkausap.
Matapos nilang mag-almusal ay dinala nila ang kanilang mga pinagkainan sa kusina. Dumiretso na siya sa likod bahay para tunguhin ang kaniyang tulugan, kumuha siya ng tuwalya at dumiretso n
