الجزء الثاني عشر اعتراف بالخطأ

2256 Words

يوميات الكورونا الجزء الثاني عشر في الجزء السابق اعترف ادم لنبيل بحبه لهدير بعد ان واجه نفسه بمشاعره التى دفنها لغباءه كما قال لجده وقال لنفسه ولام نفسه على ما بدر منه من تجاهل هدير ومشاعرها . ومن ناحيه اخري جاءت الاخبار تخبرنا ان تحليل هدير نتيجته طلعت سلبي والدكتور قال لعمر انها يجب ان ترتاح لان مناعتها ضعيفه جدا ويجب ان تاخذ حذرها عمر اخدها ورجع بها علي البيت بعد ان اخبر البيت بنتيجه تحليل الكورونا السلبي وعند رجعوهم الكل كان في استقبالها وخصوصا ادم الذي ارد ان يعمل مفاجاءه للكل بأنه طلب ايدها من جده امام الكل لكن رد هدير اصابه بالصدمه ورفضته . غير طبعا زهول الكل ماجد ومهند والامهات لبنه وميار . ادم وقف مذهول من رد هدير ومش مصدق انه اترفض والبنات دليله وديما ومي بعد رفض هدير لادم مش مستوعبين رد هدير طلعوا جري ورا هدير هيتجننوا ازاي مش موافقه ؟ مهند وماجد واقفين وبيبصوا لبعض ومهند بيبص على ادم بغيظ وعينه راحت ناحيه ماجد الي مزهول هو كمان ومش عارف في ايه ؟ مهند :انت فاهم حاجه ؟ ماجد :ولا اي اندهاشه انا زي زيك لف بوشه ناحيه نبيل . ماجد :بابا انت كنت عارف ان ادم عايز يتجوز هدير ؟ نبيل بفخر :طبعا ،انا احفادي اسررهم كلها معايا . مهند بيرفع حجبه :طيب امتي هه ،عايز تفسير الكلام ده من قريب ،ولا من زمان ده ادم وهدير كانوا مفيش بينهم كلام تقريبا ودايما بينهم تجاهل . ماجد بيشاور علي اخوه: كلامك صح يا مهند ،ايوه انا منمتش بقالي يومين بس انا مش قرطاس ،مهند هو احنا لابسين العمم ولا ايه احنا اتقرطاسنا ؟ مهند :هو في قرطاس مقاسنا اتنيل ،وبعدين ما هو الولد طلبها . ماجد :يعني هما بيحبوا بعض ؟ مهند:شكله قرار فردي علشان البنت رفضت . ماجد ومهند بيتكلموا ومهند متغاظ من ابنه لانه كان على الاقل قاله مش يكون متفاجىء زي الكل ومش عارف يرد على اخوه . نبيل بيضحك علي ولاده وحاطت ايديه في جيبه ومشي بزهو ناحيه ادم الي مش مصدق . نبيل مسك ايد ادم واخده بعيد بيتمشى نبيل :ايه مالك ؟ ادم :جدو انت قلت لي انها بتحبيني زي ما انا بحبها . نبيل :ايوه ،بس حضرتك دماغك زي الطوبه ،مش تمهد تقرب جواز خبط لزق . ادم :ليه بقي هنتعرف علي بعض ؟ نبيل :اه طبعا ،هي مش قاعده مستنيه الامير يجي يقولهاوهي تركع ،وخصوصا . ادم :خصوصا ايه انت عارف حاجه ومجبتش سريتها . نبيل :يعني اطلع اسرار البنت . ادم :لأ طلع عيني يا جدو ،ما انت قلت لي انها بتحبني ،كده ا**اله مقلتش حاجه ؟ نبيل :ولد اختشي ،انا قلت غلطه ل**ن لكن باقي التفاصيل تعرفها منها ،ورفع ايده انا معرفش حاجه . ادم :يا طيب يا امير ،وبيضيق عينه ،انت يا جدو عارف الاسرار بين اي حاجه حتى وسكت وشاور علي نملتين ..الاسرار بين النملتين دول . نبيل :ضحك بكل صوته وبغرور وكأن الضحك كان وحشه بعد القلق الي كان فيه ،ما انا عارف طبعا مش النملتين جوه حدود بيتي لازم اعرف . ادم شد شعره :جدو ارحمني تعرف ايه ؟ نبيل بيطبطب علي كتفه :من غير تفاصيل علشان بس صعبت عليه . ادم :جددددددووو . نبيل :هدير مضيقه مثلا من موضوع اميره . ادم :لا مظنش . نبيل :يا اهبل انا بقولك انه ده سبب الرفض وعلي فكره انامقلتش حاجه . ادم :يعني يكون السبب ده انت متاكد بس انا عمري ما قلت اني بحبها قدمها هو انا ما قلتش اني بحب اميره لاميره نفسها . نبيل :هي ترجمت الارتباط ده حب امسح الكلام ده بقه من دماغها . ادم :اعمل ايه ؟انصحني يا جدو . نبيل :اعرف الاول تعمل ايه مع ابوك الي وشه بيطلع نار . ادم بينفخ :هو انا ناقص مهند كلمه يا جدو يهدى عليه . نبيل :الغلط ملوش حل وانت غلطت عديت كل القواعد والاعراف ادافع اقول ايه . ادم :يا ربي والله يا جدو انا كان نفسي نزود فرحتنا واثبت لهدير اني مش هلعب تاني واتعبها واقول اني جادي في كلامي . نبيل :معلش خليك راجل واتحمل الي يحصل منها ومن ابوك . ادم طلع ونبيل واقف مهند جه بيكلمه مهند :بابا عجبك الي بيحصل ؟ نبيل :هو ايه الي حصل ؟ مهند :يعني ابني يجي يحطني قدام الامر الواقع والمفروض انا اعمل ايه اوفق علي طول ؟ نبيل :طيب الولد غلط انا عارف اسلوبه وطريقته طبعا غلط بس قصدك ايه انه عاجبني ؟ مهند بنرفزه :بابا انت بتقوي الولاد علينا ،بطريقتك ديه . نبيل باندهاش :انا بعمل ايه يا باشمهندس ؟ مهند كمل :ما هو طبعا عارف انك موافق يرجع لابوه ليه ؟ نبيل :مهند طريقتك في الكلام مش عاجبني وبعدين انا موافق طبعا بنت اخوك مالها علشان حضرتك مش موافق عليها ؟ مهند : هدير بنت ماجد بنتي واتمنى اني اخدها لابني ده مفيش فيه كلام لكن يا بابا انا بتكلم عن موضوع حيوي وابني بدل ما يجي يقولي اكتفى انه قالك ما ينفعش تهمش دورنا انت ابويا وليك كل الاحترام لكن انا ابوه وانا لازم اكون عارف قبل ما يتكلم صح؟ نبيل فاق على كلام ابنه انه ممكن يكون غلط بقربه لاحفاده . نبيل :يعنى طلعت غلطان اني قريب من احفادي دي اخرتها ؟ مهند :يا بابا افهم وجودك صاحب ليهم لا ينفي اننا ابهتهم وان الرأي الاول والاخير لينا مش علشان قالك انا اتلغي . نبيل :وانا عمري ما لاغت وجود حد فيكوا انا بحاول اعوض عدم وجودكم علشان شغلكم واكون جنب احفادي الناصح الامين ولو حضرتك قدمت شويه كنت بقول لادم انه غلط ان اتكلم في موضوع هدير قبل ما يرجع ليك يعني مش بقوي الولاد عليكوا ومشي نبيل من قدام مهند . مهند مسك ايد باباه وباسها مهند :بابا انا مش عايزك تزعل مني انا كنت في موقف وحش احساس قاتل ان ابنك يلغي وجودك ،ربنا يخليك لينا احنا عارفين طبعا ان الي بتعمله حامي الولاد لكن انا اب وكان نفسي انا اخطب لابني ،ولاحظ انه ابني الوحيد يعني المشهد ده اتحرمت منه طول عمري. نبيل :مهند حبيبي ادم قالي بس انه بيحب هدير خطوه الخطوبه هو عاملها لوحده وانا لومته عليها و كمان لومته علشانك عمري ما اكون قاصد احرمك من حاجه . مهند :طيب ممكن تسبني الومه من غير ما تزعل ويقولي انا قلت لجدي فأكتفي بالكلام .؟ نبيل :ده ابنك اعمل ما بدالك وانا مش هقف للغط . مهند :لسه زعلان مني ؟ نبيل :انا زعلان انك فكرت اني ممكن اكون مبسوط اني بلغي وجودكم انا عامل مساعد حبيبي . مهند :معلش يا بابا خاني التعبير متزعلش مني ؟ نبيل :خلاص يا مهند بس انا عايز اسلك بما انك الكبير اخوك ماجد وهاله عندهم الاحساس ده يعني حاسين اني السبب في تهميش دوركم ؟ مهند :انا اما حسيت جت قلت لك معرفش ماجد وهاله بيفكروا ازاي وانا عمري ما حسيت الاحساس ده غير النهارده . نبيل بتفهم :خلاص يا مهند بس علشان ما تبقاش مهمش قرب من ولادك اكتر وقول الكلام ده لاخوك واختك انا دوري استشاري وعمري ما اكون السبب ان ولادكم يبعدوا عنكم . ولوم وعاتب ادم زي ما انت عايز انت ابوه ومش هدخل . مهند باس دماغ والده وطلع شقته ،جلس نبيل مع نفسه هو من النوع الي يحاسب نفسه قام دخل عند نصه الثاني سناء علشان يفكر معها . سناء واقفه في المطبخ وهو دخل عليها ووشه متغير ،سناء بقلب حنون سناء :ايه يا نبيل ما لك ما الحمد لله هدير رجعت البيت وهي كويسه . نبيل :سناء انا بلغي وجود ولادي في حيات ولادهم ؟ سناء :ايه مش فاهمه ؟ قعدت على ترابيزه المطبخ وبتسمع له . نبيل بزعل :مهند بيقولي اني بهمش دوره مع ولاده هو انا عملت كده فعلا ؟ سناء :ببتسامه لا طبعا هو قربك من الاحفاد ساعات بيخليهم يعتمدوا على معرفتك فيعملوا الي عايزينه وعارفين انك هتكون في ظهرهم قدام ابهاتهم . نبيل :يبقى كلام مهند صح لو انا بخلي احفادي يعملوا حاجه ابهاتهم مش موافقين عليها يبقى انا لغيت وجودهم . سناء:هي مش بتتاخد كده نبيل :هي كده متجمليش الكلام يا سناء . سناء :طيب ممكن كفايه لوم لنفسك اكيد انت مش قصدك . نبيل :عمري ما اكون قاصد بس عملت ده ولازم اصلحه . سناء :خلاص اعمل الي شايفه صح وصلح الخطأ ده . نبيل باس ايدها :انت مرايتي يا سناء الي بشوف فيها اخطائي ربنا ما يحرمني منك . ساعات تدخل الجدود في حيات احفادهم من حبهم بيسبب ضرر هما مش قاصدينه فهنا كل جد وجده احفادكم محتاجين وجودكم لكن ده ما يلغي دور ابائهم وامهاتهم ولا بقلل حب اولادكم ليكم ولا احترامهم . في شقه ماجد هدير علي السرير :اطلعوا بره عايزه انام انا تعبانه . دليله :مش طلعه ،هو انا اخويا يترفض بسهوله كده ؟وبعدين مش انت بتحبيه ؟ مي :ده انا قلبي هيقع من الفرحه ،وانت جبت الرد بكل سهوله ...اعرف ازي جبتي الجراءه دي كلها منين ؟ ديما :بس بقه دودو هتتكلم ،،صح يا دودو ؟ هدير :ايوه يترفض يا دليله بدل بيحب واحده تانيه كان بيحكي عليها انها ما حصلتش وانه مش شايف بنات غيرها انا قعدت المستشفى خلتني افكر وصح ،انا متجوزش شفقه واحسان ،والرد سهل يا مي علشان كرمتي حتى لو بحبه . دليله :ادم مش بيحب ...سكتت تفكر في الكلام الي هتقوله بصي حتي لو هو كان لعب طيش شباب لكن اهو قدمنا كلنا طلب ايدك . هدير :شفقه اي حاجه غير حب ،اصله مش هيصحي من نومه يقول اتجوزها . مي :بت انتي هو بيحبك من وانتوا صغيرين بأمره ..قامت ناحيه التسريحه وطلعت علبه فيها خاتم ،...وشاورت ده . هدير :كان لعب عيال ،بدليل انه لما كبر مقليش اي تلميح كل الي كان بيعمله اول ما يشوفني بيتجاهلني …وتقولي حبك ،،..امتي ده .!! ديما :يمكن افتكر حبكوا ؟! هدير:هبله انا.....ديما الحب مش كدا انت لسه صغيره و بعدين يلا انا قلت اطلعوا ،عايزه انام ولو عايزه حد فيكوا هكلموا . عمر قاعد مع محمد في شقتهم . عمر :اخبار المذاكره ايه يا محمد . محمد :الحمد لله يا بابا . عمر ؛احنا طول عمرنا اصحاب صح ؟ محمد :اه طبعا . عمر:عايز ابقي عارف لما تتقدم مبقاش زي الاطرش في الزفه زي مهند وماجد . محمد :طبعا يا بابا ،وبعدين يعني ما انت عارف اني بحب ديما ومحدش يعرف غير انت وووسكت . عمر بنظره تاكيد :جدو نبيل . محمد :انا ما قلتش ليه ..مش عارف عرف ازاي ؟ عمر :ببتسامه جدو بيفهمها وهي طايره ،تعرف انه كشافني علي طول اني عيني علي امك . محمد :ازاي يا بابا ؟ عمر :جدتك كانت عامله عمليه الزائده في المستشفي الي بشتغل فيها وكنت طبيب امتياز ،وعيني جت علي هاله ،معرفتش اشيل عيني من عليها تحس انها اقطحمتني عينها وسلسلت قلبي ببتسامتها ،رقتها وخوفها علي جدتك كانت باينه في كل خطوه ،وطبعا انا كنت بدخلها في اي فرصه ضغط قياس سكر حتي اني اديها الادويه مكان الممرضه المهم ادخل الاوضه اشوفها ،وجدك نبيل ...ضحك للذكري الجميله ،اخد باله في يوم هاله مجتش خالص كان بيختبرني محمد كان بيضحك وعمر بيحكي ..تقريبا مجتش تاني المستشفى وبعدين كان يوم الخروج كنت هتجنن انها كده طارت مني ،بقيت كل شويه اروح ناحيه غرفتها في المستشفى ودخلت الصراحه قلت كلام مش علمي خالص علشان ما تخرجش لكن جدك حس بمشاعري قالي انها تخرج واني كده لازم اجي البيت اتابعها علشان هو خايف عليها. هنا انا كأن باب السما اتفتح هعرف بيتها واقدر اشوفها واقرب منها واعترف بحبي . محمد:جدو كان ماشي بمبدأ اشتري لبنتك عريس . عمر :بقولك انا كنت واقع علي الاخر ،والاعمي ياخد باله .،المهم تدخلت هاله وقعدعلي ايد الكرسي الي قاعد عليه عمر ، وحطت ايدها علي كتفه وهو بص عليها بنفس عين الحب الي عمرها ما تغيرت انا طبعا خدت بالي وبقيت م**وفة وخصوصا ان لبنه وميار كل ما كانوا يشوفوني يتغمزوا ويهرجوا بس بابا وقف الكلام وقالي مجيش المستشفي ،الكلام ده قدام لبنه وميار لكن بيني وبينه اتفق انه يخليه يتابع حاله ماما لو انا معجبه بيه ويشوف خطوه عمر ايه ،وفعلا كان بيجي البيت وعمر عينه عليها بحب محمد مبسوط بحب باباه ومامته . عمر :المهم بعداسبوع كنت متقدم لمامتك . هاله :كنت بتحكي ليه عن تعارفنا ؟ عمر بص لمحمد :كنت بحكي عن جده نبيل وانجازته . هاله :يا سلام ؟ عمر :طبعا وانت احلي انجازته. محمد ضحك لباباه علي كتمان سره ودخل اوضته . عمر ميل علي هاله واخد ايدها : بعد فقره الذكريات ما تيجي نتكلم في الواقع وشدها يدخلوا اوضتهم ،انا ما صدقت اني اطمنت .وحشاني يا هلول . هاله :الولاد صاحين . عمر دخلها الاوضه وقفل الباب :والله لو مين موجود انت وحشاني والأمور هديت في البيت وانا كويس ومطمن الحمد لله خلني اطفي نار قلبي المحروم منك بقالي فتره . رغم الزواج الي داخل علي عشرين سنه لكن مجرد كلام عمر كده **ف هاله ونسيب الاحبه دول ،لذكريات و واقع جميل هادي وادم قاعدين في الروف وبيلعبوا بلاي ستيشن بس ادم مش مركز . هادي :ادم ابوس ايدك ركز كاني بلعب لوحدي . ادم ساب دراع البلاي ستيشن : هادي انا بقولك اهو اختك انا هتجوزها بالذوق بالعافيه سامعيني . هادي :وده ازاي مثلا هتنزل تغتصبها ،في ايه يلا . ادم : اذا وصلت لكده هعمل كده . هادي :انت ض*بت منك ،اعقل الكلام انت سخن تكونش جتلك الكورونا في الاعصاب ،اهدي كده وبعدين ،انت مقلتش ليه حاجه عن الموضوع ده قبل كده . ادم :جدو عارف . هادي :اللواء نييل تحس انه شغال ciaبيخلي الواحد بيعترف علي طول ،وبيقول كل حاجه ،،اسهال معلومات الواحد قدامه . ادم :تصدق اه ،جدو مستمع رائع وبيحل اي مشكله اول ما بقعد معاه بيطلع مني كلام عمري ما حتى فكرت فيه . هادي :طبعا سياده اللواء بيضغط بأسلحة سريه ويا ترى قدر يحل مشكلتك .؟ ادم :سابني و محلش حاجه المره ديه ،مش عارف ليه ؟ هادي:علشان دودو حبيبت قلبه ،اهدي كده وانا هعرف كل حاجه . ادم :وانت مفيش حد عجبك ؟قلبك لسه مدقش هادي :لا انا مش بفكر خالص ،انا عايش لغايه ما اقع علي بوزي . ادم وهادي :ههههههههه. اقتباس من الجزء القادم سناء :طيب شوف كده رفضت ادم ليه ؟ نبيل :هي حره ..وبعدين لازم يزحف ويتمني الوصول ليها ديه حفيده اللوا نبيل الصفواني . سناء :طيب ما هو حفيد كمان . نبيل :ايوه بس البنات اهم عندي وانت عارفه .

Free reading for new users

Scan code to download app

App Store Google Play

Facebookexpand_more