يوميات الكورونا

الجزء العاشر هزه في العائله

يوميات الكورونا

الجزء العاشر

توقفنا امس ان عربيه الاسعاف اخدت هدير لاجراء الاختبارات علشان اعرض الكورونا الي جت لها وهنا توقفت الحياه في منزل العائله .

نبيل عندما سمع صوت عربه الاسعاف داخل منزله قلبه توقف من الصدمه وجري ناحيه الباب قبل ان يدق و يخبره حتى عم عطيه وعينه راحت اتجاه العربه ووجد بجانبها ماجد علم ان هذه العربه لعصفوره العائله هدير ذهب له كي يلومه كيف يتصرف ويطلب الاسعاف دون الرجوع له ولكن عندما اخبره ماجد ان هذا ترتيب عمر وان ذالك هو الاصح توقف عن الكلام وعينه كانت مركزه علي باب البيت ليرى هدير .

مجرد رؤيه حبيب لك يرتدي هذه البدله العازله عن العالم متعبه للقلب انها تشبه بدل الفضاء وكانت هدير بجسمها النحيف داخل البدله تتعب القلب وتمزقه ،الكل كانت عينه معلقه عليها واحاسيس مختلفه .

نبيل -تمنى ان يكون مكانها وان لا يشاهدها بهذا المنظر تمزق قلبه والدموع كانت تنزل من قلبه ولكن عينه رفضت ان تدمع امام احد .

ماجد -مسئوليه الاب جعلته مثل المكنه ينفذ ما قال عمر دون تفكير هو بيسابق الوقت لانقاذ ابنته ولا وقت للتعب ولا اظهار الحزن عليها .

ميار- ام في الاخر ام ولا تملك غير الدموع المستمره و وجع القلب الي لا يعالجه شيئ قطعه منها تنزع ورجاء الي الله ان لاترى مكروه فيها

سناء -رجلها لم تتحملها وكادت ان تقع لولا يد هاله التي لحقتها و هاله اجلست سناء وعيون مليانه حسره ودموع على احن قلب ابنه في العائله .

دليله ومي وديما -بيحاولوا ان يستوعبوا ماذا يحدث غير مصدقين ان هدير هي من ترتدي هذه البدله وتمنوا ان يكون كابوس .

ادم -لم يتحرك من التراس وكأن قلبه مكانه اصبح فارغ مره واحد لا يحس بنبضه وغصه قلبه كانت بتزيد مع ابتعاد عربه الاسعاف لا يجد تفسير للحاله التي هو بها .

هادي-كاد ان يض*ب ويمزق الكل غير مستوعب ان اخته او ابنته التى دائما يحميها تكون هكذا وهو لا يستطيع حمايتها .

محمد-دائره الخوف التي شعر بها واحساسه الذي يحاول ان يبعده عن تفكيره تركز في هدير وخاف ان تتحقق مخاوفه في هدير ويفقدها هو حاسس احساس الفقد ان احد سيختفي من العائله لكنه لا يملك غير الدعاء الذي لا يمنع القدر بل يخففه .

عائله مترابطه زي عائله اللواء نبيل عندما يكون عندها حدث كبير فعلا الحياه تتوقف .

في الفيلا الكل متجمع في الجنينة بعد انصراف عربه الاسعاف وعدى وقت كتير وال**ت سيد الموقف لكن قطعه نبيل فهو رب الاسره ويجب ان يجعلها متماسكه .

نبيل :ان شاء الله التحليل هيطلع سلبي ،انا قلبي حاسس .

ميار والدموع مغرقه وشه :يا عمي ولو مطلعش ؟

ماجد :بعد الشر .

نبيل :حتي لو ..تتعالج وتطلع لينا بالسلامه قولوا بس يا رب وادعي لها انت مامتها ودعوه الام مجابه.

ميار تترمي في حضن سناء وبتعيط جامد هي وسناء .

هاله بعد ان تركت عربه الاسعاف المنزل كلمت عمر بسرعه لكي تعرف الترتيبات التي ستحدث

كانت بتكلم عمر في التليفون ،ورجعت قعدت معاهم .

هاله بدموع :بابا عمر ممكن يرجع من الحجر لان الشغل لو عرف انه ممكن يكون مخالط احد مريض، بيرجعوهم وقالي اننا كلنا نعزل نفسنا عن الي بره .

ماجد بنرفزه :خلاص يعني انتوا قرارتوا ان بنتي اتعدت خلاص دول دكاتره لسه تحليل البنت مطلعش في ايه يا جماعه كفايه بقه.

هاله :انا بقول ممكن يا ماجد وممكن هو الي ينزل علشان يبقى قريب من هدير وتكون تحت رعايته

ماجد قام وقف مش راضي يرد علي كلام هاله وجه يمشي ،مسكه مهند واخده يتمشوا في الجنينه .

نبيل :الكل يطلع علي شقته ،ميار روحي مع سناء .

نبيل بعد ما الكل مشي تمشي لاخر الجنينه علشان يبقى لوحده ،قدرت دموعه تنزل علي خدوده ،وقلبه وجعه علي ارق بنت في احفاده ،ودعي ربنا

نبيل :يا رب رجعها لينا بالسلامه ،يا رب متوجعش قلبي عليها ولا علي اي حد من عائلتي .

بعد فتره

ادم واقف هو هادي في الروف هادي وادم كان ملاحظ جده اول مره يراه م**ور مهزوم ادم نظر لهادي يجب ان يقف بجانبه فهو اخوه كأنهم تؤم صحيح هادي اكبر بسنه لكن من يشاهدهم يحس انهم تؤم .

هادي ب**ره :انت متخيل يا ادم ..هدير عصفوره العائله تبعد عننا ..ديه بتخاف اوي ..ديه ما متحبش تنام في الضلمه ...ودموعه نزلت ..ادم اختي يا ادم .

ادم وهو يمسك كتفه يطبطب عليه :وبعدين يا هادي امسك نفسك شويه .

هادي :امسك نفسي ...بص علي جدك تحت بيشاور عليه ..مش كنا بنقول عليه قلبه جامد ...بص منهار ازاي .

ادم :علشان كده لازم ن*دي الكل تعبان واحنا لازم نبقى في ظهرهم ..والصراحه .جدك انا خايف عليه جدا هو ناناه ...انت سمعت ان اخطر ناس عليهم الكورونا كبار السن ،وجدك وجدتك مخالطين جدا لهدير ..وبعدين هدير هتقوم بالسلامه وهتبقى كويسه لازم تحس اننا كلنا حواليها وانها مش لوحدها بص تعالي نكلمها فيديو كول زمانها وصلت .

هادي مسك موبيله ،واتصل بهدير بعد ان مسح وشه .

هادي :دودو حبيبتي .

هدير :حبيبي عاملين ايه .

ادم :طمنينا عليكي عملوا ايه معاكي ؟

هدير :عملوا مسحه للحلق والانف ،والنتيجه هتطلع بعد ٢٤ساعه مستنيه ياخذوني للاشعه .

هادي:خير يا حبيبتي ان شاء الله بس ايه السرعه ديه .

هدير : فعلا الاجراءات كانت سريعه والتحاليل والمساحات اتعملت بسرعه والمستشفي قريبه من البيت ادعي ليه يا هادي يا رب خير مش علشاني ،انا خايفه علي الكبار ،خصوصا جدو وناناه .

ادم قرب من الكاميرا علشان يشوف وش هدير وتكلم

ادم :كنت لسه بقول كده ،ان شاء الله هتبقي كويسه والنتيجه هتطلع سلبي .

هدير بنعاس :يا رب هنام انا علشان الخافض عامل شغله والمحاليل المتعلقه .

ادم :اما تصحي كلمينا نطمن عليكي .

هادي :حبيبتي على طول طمنينا .

هدير :حاضر وطمن بابا ماما جدو الكل .

في اوضه دليله وديما ومي قاعده معاهم

دليله :حبيبتي يا هدير ..انا خايفه عليها اوي كنت بتريق الصبح وبقولها كورونا ونقطع العلاقه ..لكن اما شوفتها خرجت بالمنظر ده خفت عليها اوي .

ديما :انت عارفه انا وانت وهدير ومي اننا مينفعش نسيب بعض ،انا خايفه عليها تسبني .

دليله اخدت ديما في حضنها انها ليست اختها الصغيره هي بنتها .

مي :بعد الشر هترجع وتنور البيت ولازم الواد ادم يحس بيها ويتجوزها .

دليله :ايه لازم ديه ..ترجع بالسلامه بس ديه ست البنات وخساره في الواد ادم ..

ديما :مش هو اخويا ..بس هي احسن منه وتستهال حد احسن .

دليله :ترجع هي ان شاء الله ونتصرف .

مي :ان شاء الله قلبنا مش هيتوجع عليها .

عند ماجد ومهند

بعد فتره **ت و بعد ان هدئ ماجد

ماجد :بنتي يا مهند مش مصدق .

مهند :امسك نفسك ده الوقت الي محتاج هدوء وتصرف سليم و اوعي تتنرفز من حد كلنا خايفين عليها ،وكلنا في نفس المركب

بيتك مراتك محتاجك جامد ابوك وامك امسك نفسك كده .

ماجد :بحاول والله ومش مصدق ومش عايز اصدق .

مهند :ان شاء الله تطلع سلبي .

ماجد :يا رب

نبيل اتوضا وبيصلي صلي كتير وبيدعي ليها ولكل العائله ان الفتره الصعب تعدي .

والفجر اذن وهو بيقرا قران دخلت سناء عليه .

سناء:نبيل ،قوم نصلي مع بعض وندعي تزيح الغمه الي احنا فيها وننام. شويه .

نبيل :يلا ونقرا قران للشروق تتحسب عمره وندعي يا رب .

في صباح يوم ليلته كانت صعبه علي الكل نوم متقطع او مفيش نوم

في شقه عمر وهاله

عمر فتح باب الاوضه صحيت هاله علي طول لانها كانت قفله عينها بس النوم صعب مع كل الاحداث.

هاله :حمد لله علي السلامه .

عمر :الله يسلمك مفيش اخبار ؟

هاله :لا

عمر:كلنا كده تحت الحظر لغايه ما نطمن علي هدير انا استاذنت من الشغل هما طبعا رضيوا انا مكنتش استلمت لسه وده الي خلاني اعرف ارجع .

هاله : وجودك هنا يطمني يا عمر وكويس انهم رضيوا .

عمر :حد في البيت تعب او ظهر عليه حاجه .

هاله :لا لغايه دلوقتي .

عمر :ان شاء الله هتطلع سلبي .

هاله :يا رب لاحظت هاله ان عمر بيغير لبسه من لبس خروج للبس خروج ...انت بتلبس ليه ؟

عمر :هروح اقعد مع هدير في المستشفي وانا لازم اطمنها ..البنت ديه رقيقه وزمانها خايفه .

هاله :انت ممكن تتعدي خليك هنا معانا .

عمر :انا واخد احتياطي كويس وديه شغلتي وبعدين اي حد فينا ممكن يتعدي لو هدير طلعت بوستيڤ البيت كله بقه بنسبه كبيره فيه الفيرس ومعظمنا اتعدي

عمر بيكمل كلامه انا خوفي كله على عمي وطنط ربنا يسترها ..

هاله :طيب افرض في حل نقدر نعمل .؟

عمر مسك روشته من بتوعه وكتب ادويه فتامينات كتير .

عمر :اطلبي الصيدليه على طول وهاتي لكل شقه مجموعه الادويه ديه الادويه ممكن تزود المناعه شويه .

عمر بيكمل انا لبست ننزل

هاله :طيب نفوت علي ماجد نقوله وعلي بابا

عمر :طبعا هفوت اطمن الكل .

هاله : بقلق على عمر الي مش مرتاح خالص بس انت ما نمتش .

عمر :نمت في الطريق ..يلا

عمر نزل عند شقه ماجد

فتح هادي الباب واول ما نطق عمو عمر

خرج ماجد وميار بسرعه من الاوضه

كان باين عليهم انهم لم يستطيعوا النوم

ماجد :عمر طمني هي النتيجه طلعت ؟.

ميار :انت رجعت علشان النتيجه ايجابي ؟

عمر :اهدوا كده انا ما استلمتش اصلا وقلت للرؤساء بتوعي ان ارجع علشان حاله هدير واكون جنبها و ده احسن لغايه نتيجه هدير .

ماجد :طيب اقعد كده الحاله ايه كلمت صحبك الي اخدها يعني ازاي بيقول محدش هيشوفها .

ميار :طيب انت مش تعرف تدخلني لبنتي .

عمر :بص يا ماجد وانت يا ميار محدش يقدر يدخل مستشفيات العزل والمرضي بيتكلموا يطمئنوا اهلهم بالتليفون وانا رجعت مخصوص علشان انا هعرف ادخل واقعد معاها اطمنها ان شاء الله وان شاء الله تطلع سلبي ونطمن كلنا .

ميار بتسند وشها علي ايدها :انا كده هتجنن انا ام مش عايزني اشوف بنتي وانا عندي استعداد اتعدي بس اكون معها .

عمر :ممكن نركن مشاعرنا على جنب شويه عايز عقل في التعامل .

ميار :عقل ايه يا عمر الي بتتكلم عليه ؟

عمر :ميار ال*قل الي يخلينا نعدي الازمه ديه بصي يا ميار حتى لو هدير ايجابي هي شباب لسه صغيره ولحقناها في الاول ان شاء الله بس اي حد من الكبار اتعدي او انت ما انت مش صغيره كمان مناعتك مش زيها الي علينا ندعي وربنا هو الوكيل وانا كتب مجموعه فيتامينات هاله هتجبهم والكل ياخدها .

ماجد :هي كان لازم تروح المستشفى .ما ينفعش تتعزل في البيت تحت عينينا ؟

عمر :ايوه في حالات في البيت بس انا شايف ان المستشفى احسن بدل في مكان وعلشان لو احتاجت ا**جين،يبقى متوفر ،صدقني كده احسن .

ماجد :الي شايفه صح اعمله يا عمر المهم بنتي ترجع .

عمر قام :ان شاء الله .

قام عمر هو وهاله وهادي كان واقف لم يتكلم كلمه سمع الكلام و وقف قدام اوضه هدير الي متعقمه ومغلقه وحط ايده على الباب .

هادي :ان شاء الله هترجعي يا حبيبتي .

نزل عمر عند الجنينة وقا**ه نبيل .

نبيل :طمني يا ابني .

عمر :عمي اطمن ان شاء الله خير انا رايح المستشفى و هستنى معاها لغايه ما النتيحه تطلع .

نبيل :في رعايتك ان شاء الله ورعايه ربنا قبل الكل .

عمر مشي ودخل نبيل قعد بيقوي نفسه ضعفه امبارح مش هيفيد لازم يرجع يقوي نفسه علشان عائلته .

في مستشفي الحجر

عمر دخل عند زميله اطمن على الحاله ولبس لبس دكاتره العزل وطلب استعجال النتيجه للتحاليل وقعد يناقش حاله هدير مع زميله وتوجه لغرفتها .

في غرفه هدير

هدير مسكه المصحف وبتقرا ،دخل عليها عمر .

عمر :صباح الفل علي الحلوييين .

هدير :عمو عمر .حمد لله علي السلامه انت رجعت علشاني ؟

عمر :الله يسلمك .. طبعا لازم ارجع هو انا عندي كام هدير ها عامله ؟طمنيني ؟

هدير :حسه اني احسن والكحه احسن زي ادوار الحساسيه الي كنت باخدها مستغربه انها تبقى زي اعراض الكورونا .

عمر :طيب الحمد لله ده مؤشر كويس طيب

خدي كلمي الكل مستني في البيت اطمنهم عليكي ومفيش احسن انك تطمئنهم بنفسك.

عمر عامل ڤيديو كول والعائله كلها بتكلمها وتطمنها .

عمر كلم هاله الي متفق معاها انه اول ما يوصل هيكلهما فيديو كول علشان الكل يطمن وكانت هاله مع نبيل وسناء اطمنوا علي هدير ودعوا لها ،واخذت التليفون وطلعت لماجد وميار علشان يطمئنوا .

بعد ان اطمئنوا ماجد وميار في **ت رهيب **ره كلمت هاله .

هاله :لازم تبقوا اقوى من كده وبعدين الحمد لله عمر وانا بطلع التليفون طمني على حالتها وانه استعجل نتيجه التحاليل وبيقول انه لو شايف ان الحاله مستقره ويرجعها البيت ويعزلها وهو يقعد معاها يراعيها .

ميار :يا رب ان شاء الله ترجع ونطمن .

هاله :ايوه ادعي اهم حاجه الدعى .

اقتباس من البارت القادم

الحال غريب عند ادم مسك تليفونه وكلم اميره لقي ان التليفون مغلق بيكلم نفسه .

ادم :احسن حاجه يعني كنت هقولها ايه نعتبر اننا اصدقاء ،انا هبعت مسدچ انهي كل الي بنا ،انا كان دماغي فين فعلا الزمن بيبن الحقائق .

ادم بيقطع علاقته باميره ليه نتابع الجزء القادم