Pagkatapos ng klase ay sinikap ni Verang makabalik ng mansyon nang hindi nagkukrus ang landas nilang dalawa ng binata. Ginawa niya ang lahat ng makakaya para matakasan ang kotseng nag-aabang sa kanya sa harapan ng department building maging ang sasakyang pagmamay-ari ni Damon.
Nakapagtataka nga lang dahil sa halip na makadama siya ng kaluwalhatian ay kaba ang naramdaman niya nang marating ang sariling kwarto.
"Are you mad at me?"
Napasinghap siya at muntik nang mapatalon sa kinatatayuan nang madama ang nakakakiliting hininga ni Damon malapit sa kanyang punong-tenga.
Susubukan niya sana itong lingunin ngunit hindi na itinuloy sa takot na baka mas lalo lamang mapalapit ang mukha nilang dalawa sa isa't isa.
"What's wrong?" anito habang nakakunot ang noo.
Tinangka niya namang lumayo ng
