“HIMALA! ANG SARAP, ha? Mukhang inspired ang bunso natin, Beau,” sabi ni Hallam.
Tipid na ngumiti si Lorna, nagmayabang. Kitang-kita sa mga mata niya ang labis na saya na nagustuhan ng mga kapatid niya ang kanyang niluto. May kasamang pagmamahal ang pagluluto niya kaya maganda ang kinalabasan.
Masaya siya sa naging feedback ng kanyang mga kapatid, pero may isang taong siya na gusto malaman kung nagustuhan nito ang kanyang luto. Nilingon niya si Arguz na tahimik na kumakain. Wala siyang ideya kung nagustuhan nito ang kanyang niluto. Wala pa itong anumang sinabi.
“Baka inspired,” sabi ni Beaumont, natatawa.
“Magaling lang talaga ako,” pagmamayabang niya sa mga kapatid.
“Inaasar ninyo kasi kanina. Kaya siguro ginalingan na,” sabi ni Ambrose.
Nilingon niya si Ambrose. “Nakitawa ka ri
