KABANATA 20
DEAL
Buong araw akong nagkulong sa aking silid. Labis-labis ang paghihimutok ko sa ginawa ni Tunner. Hindi ko alam kung bakit palagi siyang naka-kontra sa mga gusto ko? Wala rin akong ideya kung bakit palaging mainit ang ulo n'ya sa'kin.
Halos punitin ko na ang aking bed sheet dala nang matinding inis para dito. Hindi ako papayag na kinakayan-kayanan lang ng isang katulad n'ya, at lalong hindi ako pinanganak para maging sunod-sunuran lang sa gusto n'ya!
Naupo ako sa gilid ng aking kama habang sapo ang ulo. Kailangan makaisip ako ng paraan para matapos na ang lahat ng ito.
Dala na rin ng inis kay Tunner ay pinasya kong huwag nang sumabay ng hapunan sa kanila. Ilang beses akong kinatok ni Merceditas ngunit una ko nang sinabing busog pa ako.
Kalaunan ay nagpadala na lang ang
