يتامى

1723 Words

#لم_تكن_خطيئتنا نورا ناصر صفا .. تسمرت بوگفتي دعيت الله مايطلع اسلام من الغرفه حتى لاتشوفه ونظرات هجران وترتني خلتني اتصبب عرق واحك براسي. هجران: ها صفا وين جنتي. ؟ :ماكو هيج جنت هنا ( بارتباك) ونزلت مثل الصاروخ ركضض جوه صاروا مقابيلي رضوان وسميه واكفين يحجون. باوعتلي ترخصت واجت يمي. سميه:ها ولج هذي هجران شافتكم :لا :تعاي لعد شبيج متوتره : ماكو شي. سميه دخلنه للصاله .. اباوع لاشواق تريد تاكلني وعيونها تشع كره تريد تحجي بس شي يمنعها. وانه خليت عيني بعينها وارفعلها بحاجبي وكانه اكوللهه احجي الي تردي طلعي غضبج وكرهج يلله وكانه نظراتي جبرتها تحجي. كالت اي سميه شونها نتيجتج؟ اني ادري بيها تعرف مكملة لان احنا نتواصل ويا بناتها بس هي تسوي نفسها ماتدري تريد تلزمني من الايد التوجعني عبالها اهتم. كتلها مكمله بالكيمياء ضحكت بسخريه واستهزاء كالت حتى هي مادبرتيها؟ طبعا انه عندي الكيمياء زلاطه بس المدرسه شدت وياي لان جاوبتها بشجاعه ودافعت عن نفسي بعد ان اتهمتني باللغوه داخل الصف وانه ابد ماجنت احجي. كتلهه تره اني اتعمدت اوكع نفسي بيها عجبني امتحن دور ثاني. احس سكتتها بس كلش انزعجت من اجابتي مااعرف شنو منعها ومارزلتني. ام ايوب:امان يمته يرجع وبعد مايروح رجوان:بيبي مايجي هو يظل هناك اصلا راح يتزوج فرح بنت عمي. قطعوا الكيك وانهالت الهدايا ع ايناس عمه اشواق جايبه الها كلاده ذهب وعمو سليمان محبس وكللهه يلله جنتي شدي حيلج وتخرجي حتى نسوي حفلة اكبر من هي. ايناس مبتسمه ومدنكه ووعد ابن عمي سليمان يباوعلها من بعيد ويضحك وعيونه تبث حب الهاا. ابوي انطاها فلوس وامها انطتها هديه مغلفه اسلام جاب ل**به جبيره لابسه بدله لون فوشي. اشواق: اسلام قابل هي طفله تجيبلهه ل**به صار عمرها 18 جيبلهه شي بي حظ. اسلام ': اختي الصغيره راح تبقى بعيني صغيره. ايناس: عمه اني احب الل**بات سليمان: وعد سمعت تره تحب الل**بات. ايناس:عمو كافي تحرجني والكل ظل يضحك ... بعد الحفله قرروا يروحون للمطعم يتعشون طلعنه من بيتهم المغرب وهم بلشوا يصعدون بالسيارات. سليمان: ها ايوب ماتروح ويانه؟ ايوب:لا ماروح اريد اروح لصاحبي وره العشا بس سوو لرقيه مكان واخذوها وياكم. رضوان: سميه ترحون؟ اشواق : يلله اصعد رضو خو ماننحشك ماكو مكان بعد. سميه. باوعتلهم بنظرة تكبر وحجيت بسري قابل اني اريد اروح وياكم قبل لتحجي شوك انه جنت مارايده اروح اصلا دخلت للبيت. صفا: انقهرت لان مااخذونه حسيت احنا اليتامى مو ايناس اليتيمه شصار عليهم لو اخذونا بشنو راح نضرهم سيارتين راحوا ومحد انقهر علينه. سميه: والله هم شعليهم المفروض ابوج ياخذنه وياهم بسيارته مو عنده سياره لو حرام يطلعنه فديوم يونسنه. صفا: ولج سكتي سميو لايسمعج. صاحلنه ابوي دخلنه للجوه. ايوب: ولج سميو شو ماعندج احترام هاا؟ سميه: مو قصدي اقلل من احترامي بس شمعنى احنا مارحنا مو عدنه سياره وخليت صفا تنقهر. ايوب: شو تتعززين بت اماليد وتتشرطين هم بعد وماعاجبج. سميه: لو خيروني جان مااختاريتك اب ولااختاريتها ام. شفت الغضب بهيئته وعيونه وبيده الجكاره وكفت بمكاني ماتحركت ولا اهتزيت عرفت راح يأذيني باي شكل من الاشكال وصرت متعوده.« تقرب مني سحب ايدي طفا الجكاره بظاهر كفي. تاذيت بعد لحظات بس حافظت ع هدوئي اعرف كلش زين غلطانه واعرف جان المفروض مااحجي هيجي ويا واعرف الي سوته امي بي اذاه وعذبه وخلاه يتصرف غير عن قبل بس مو ذنبي مو خطيئتي الي ارتكبته امي اني مالي جرم بي ردت احجي صفا لزمتني وسدت حلگي. صاح عليه يلله روحي سويلي عشا عوفيها صفيه خلي هي تسوي العشا وانت روحي اكوي دشداشتي. كعد ع القنفه دفعتني صفا للمطبخ ودخلت وياي خلت الكيك الي انطتنيا امتثال وطلعت وسط صياح ابويه وينج صفا جاوبته صفا:رحت اخلي الكيك بالمطبخ. سميه: بقيت واكفه مكاني ايدي توجعني بس الم روحي اكبر. كوه حركت نفسي خليت الشاي ع النار وخليت الكيكه بماعون وويا شوكه. انتظرت الشاي يسخن وصبيته. خليتهم بصينيه و رحت للهول حيث هو كاعد قدمته اله ايوب بعصبيه : هذا شنو ولج ؟ سميه: غير العشا! !! ايوب: ولج انت ليش مو ادميه؟ ترحين تسويلي عشا مثل الاوادم لا مايحصلج خير الليله. سميه: ليش شبي هذا مو نعمة الله؟ ايوب:قسما بالله اي واحد يجي يخطبج انطيج اله حتى لو منتف وزايعته الدنيا بس اريد اخلص منج ولج انت شنو؟ ؟ سميه: انه مامسويه شي! ! ايوب بصياح : ولي من كداااامي سميه.. اريد اخذ الكيك من ع الطبله صاح بيه ولي سوي عشه وخلي هذا بمكانه. حجيت بقلبي مو ع اساس ماتريده؟ رحت للمطبخ ونار بروحي مشتعله كلش كارهه حياتي واحس حتى مستقبل ماعندي بعد تهديده الي يسويهه ويزوجني لياهو الجان خررب مااريد اتزوج اي واحد ماريد عندي احلامي لازم احققها. طلعت بتيته وبيذنجان من الثلاجه وكصكصته غسلته وگليته وديته اله اباوعله عيونه نار ابده يموتني باوعت للكيك اكله كله. رحت للغرفه وافكر شلون ياربي خاف يسويهه ويزوجني! !؟ تمددت ع جربايه ودرت ع الحايط لان جربايتي بصف الحايط وكعن دموعي ع كل الي صار اليوم بدأً من الي صار بحفل العيد ميلاد لحد جوية ايدي توجعني. دخلت صفا صاحتني سميه سميه .. ماجاوبتها اجت يمي تريد تدورني عليها صحت عليها وخرري عوفيني. صفا: جاي تبجين؟ سميه: لاآاااء سكتي عني مالي خلكج. سكتت وكامت من جربايتي حسيت ماعندي دموع ابجيها او وجود صفا ميخليني ابجي براحتي احب ابجي وحدي مسحت عيوني تنفست شويه تاكدت راحت كل اثار الدموع والبجي. درت عليها كتلها بيبيتي اخذت تليفونها؟ :ماادري ماشفته ليش تريدين تخابرين امي؟ : جا منو غيرها؟ : ماجاي افهمج سميه من جهه تحجين عليها ومن جهه هسه محتاجتها وتردين تفضفضين الها؟ : ولا راح تفهميني شنو انت ماتعرفين شي اسمه مصلحة؟ :يعني كل هذا مصلحه؟ وشنو مصلحتج؟ : اريد اطلع منا تعبت من هالعيشه اريد اهاجر اعيش حياتي. :وين ترحين؟ : اي مكان الكه بي حقوقي اوروبا كندا امريكا استراليا المهم اعيش فري تعرفين شنو يعني؟ يعني محد يض*بني محد اله سلطه عليه اريد اصير فد شي مهم هواي عراقيين طلعوا للخارج وصار براسهم خير وصاروا فد شي هم مو احسن مني هنا ماكو مستقبل واني طموحة وطموحي مايحتويه اتساع . :اممممم :ها ماعاجبج؟خاتون ؟ :عاجبني. اكلج سميه شنو جنتو تحجون انت ورضوان ولج عيونه عليج مبين غرگان بحبج. :شجنه نحجي قابل جنه نتغزل حجي عادي :يعني كل هالنظرات وماتغزل بيج. :اي لمحلي گلي من عيونج مبينه ذكيه :هو هذا غزل وشجاب العيون ع الذكاء؟ :بغرور ...يكول بؤبؤ عينج متسع يدل ع ذكائج وهذا اعتمادا ع دراسه مؤكده مو اعتباطا! ! :هاا سؤال سميه شنو رأيج بي؟ :من اي ناحيه؟ :من الناحيه العاطفيه الرومانسيه خطوبه زواج هيج يعني. :هزيت ايدي شكد تفكرين بهي السوالف من طاح حظج. :هو معجب بيج ورضوان مابي شي ينرفض تره. :وعمتج شوك؟ :شعليج منها :ماجاي تشوفيهه شكد تكرهني؟ :صدك ليش؟ : رضوان محاجيهه عني لهذا السبب تكرهني لان هي تشتري سعادة بناتها مشترة وتعرف رجوان تحبه وشوك مربيته من الصغر وتريده الهه وحدها وخايفه يسويها وياخذني لهيج من هسه جاي تحاربني بشتى الوسائل ولاتنسين اني بنت اماليد وهذا سبب اخر لكرها الي. :هو كلج محاجي عمتي عليج؟ :لا انه مخمخت وتاكدت. :وانت شنو رايج برضوان؟ :اني اشتري راحة بالي شلي بي ووراه وجع قلب ودوخة راس هذا الموضوع منتهيه منه وماافكر بي. :سميه ليش ماباوعتي ع الصور الي شوف*نياهم هجران يخبلن؟ :تمددت عدل وفرشت شعري وره المخده كتلهه ليش اباوع حتى انقهر ناقصة قهر اني؟ !! :رحت كعدت يمها ع جربايتهه لج سميه امان يخبل. :باوعتلها بامتعاظ كتلهه صفا شكد تباوعين ع الزلم لخاطر الله ثگلي. :هههه لج لا مو هيج بس اول مره اشوفه وواكفه يمه بنت عمه هو مخلي ايدي ع خصره وطاخ بيهه : هزيت ايدي امداج مفصلته تفصال شعليج بي بلله ثول :ولج صوره ثانيه معدل وكفته وهي بصفه مدحدحه وقصيره من كد ما طويل وهي قزمه واصله لع**ه يمكن. !ونوب هي حلوه كلش بيضه بحمار وعيونهه ملونه وشعرها طالع من الشال اصففر ماادري شبيهه خرعه وهيج صابغه شعرها. :واني متمدده خليت رجلي ع الثانيه من جوه ممهتمه لكلامها شعليه بيهم كتلها اوو شكد تكركين سطرتيني. :لعد ويامن احجي ضايجه. :باوعتلها عندج سلوم وتضوجين اني شگول؟ : ماكو تعاركنه وراح حتى ماقلدني. :ع شنو تعاركتوا : حجه ع امي :وشنو المناسبه حجه عليها ؟ :سالني ع الفستان :لحظه لحظه كتيله نتواصل وي امي؟ :سميه لاتحمقين :كمت من مكاني جريتها من دشداشتهه ولج انت شنو ماتكليلي؟ ؟شنوووو بصياح ليش تكليله هاا ليش ليش. سمعنه صوت جرس الباب طفرت صفا. بقيت بالغرفه معصبه وابدي اكطعها من الكتل شكد غ*يه كل شي تخرط كدامه الطايحة الحظ. بقيت امشي بالغرفه ذهابا ايابا انتظرها تدخل عود مادخلت فتحت الباب بقوة وطلعت شفتهن بالهول رقيه وصفا شاف*ني رقيه كامت تأشر وابا ابا ابا وبيدهه علاگه مال محلات راقيه ماحطيت بالي الها دفرت صفا وهي كاعده ع الكاع كتلها بعصبيه شتكول هي؟ باوعتلي والخوف والندم واضح على ملامحها صفا: تكول هي الج من رضوان. خمطتها من ايد رقيه خنشوف رضوان شنو داز فتحتها شفت بيها شال بيجي حلو وذوق. طلعته وخليته ع راس رقيه دفرت صفا مره ثانيه وهي لان مسويه غلط خايفه مني وندمانه وماتريد نتعارك هادئه ومادافعت عن نفسها كتلها كومي اشريلهه كليلها انت كبرتي وصرتي بالغة مايصير لازم تلبسين حجاب. اشرتلهه صفا ظلت تهز براسهه بمعنى لالا وشمرت الحجاب عليه. وراحت للعلاليك طلعت موطا ولفات كص وكباب. وظلن يحجن بلغة الاشاره. كعدت يم صفا كتلهه شعجب هذا طلع منهم صفا: تكول هذا كله من رضوان سميه:ممم شعجب ماحجت علي شوك صفا:هو قابل يمشي بامرها طبعا لا نوب مشتريلج شال واسلام راح وياهم. ماعرف يدزلي شي بيدهه. سميه: اقتربت منها باوعت بعيونها كتلها اختاري صح ياصفا وهذا الشال مني الج. صفا:يعني ماتردينه ؟؟ :لا مااريده :ماتغيرت نظرتج اتجاه رضوان؟ :يعني شتتوقعين بسرعه اغيرها لان دزالي شال بعشرة مدري ب15 ووياهه حلويات وايس كريم شغلي عقلج صفا لا تالي تندمين. عفتهم ودخلت للغرفه نمت. صفا… بعدهه بكم يوم تصالحنه اني واسلام بس هو تغير علي صار للاسوء ماادري شبي؟ اذا ادخل لبيتهم من باب الشارع مبتسمه يطيح حظي يكول ويامن جنت توزعين ابتسامات ويامن تضحكين؟ بس انه قلبي يريده ومتعلقه بي بسرعه ارجعله شكد ترزلني سميه ماكو فايده احس هو مالي فراغ حياتي. مره طلعت بالحديقه شفته طل عليه من سياجهم سالني بهمس وين ابوج؟ كتله نايم دار يمنه. اسلام: امشي يمي بالبيت :شسوي رايحه اسلام مايصير وامك وايناس ماموجودين والشيطان شاطر. :امشي وياي ماسويلج شي ولاتستشرفين. ماادري منين طلعت سميه وشون سمعته صاحت عليه اسلام ياطايح الحظ غصبا عليك هي شريفه تريد تلوثهه موووانت صفا غ*يه شون تسمحيله يحجي وياج هيج ؟ اسلام: ل**نج سميه لااجي اكصه ادبسز احترمي نفسج واحترمي الاكبر منج. سميه: مو شكول احترام واحترمك ويلله ولييي منا لاالم عليك اهل الدربونه كلهم واخلي المايشتري يتف*ج يلله ولي من بيتنه. صفا ظليت اهدي بيهم واتوسل بيهه تسكت راح ننفضح وابوي راح يكعد شيسوي بينه ماكو ماتسكت وتدفع بيه. شفت باب المطبخ انفتحت وطلع ابوي منها وصاح بعلو صوته ولج سميييييو. يتبع. خسرنه گلوبنه الما عرفت تعاشر خلصنـه العمـر مـن باچر لـباچر خلصناها تگظي الله كريم تهون واحنه جروحنه شما كبرت نكابر وادمنه اعلى طيبك تستغل البيك ومن توگع لجلهم تنحسب خاسر.

Free reading for new users

Scan code to download app

App Store Google Play

Facebookexpand_more