Pagdilat ng kaniyang mga mata ay muling nasilayan ang guwapong mukha ng lalaki. Mas gumaguwapo ito kapag tumatagal.
"Okay. Oo tinatanggap ko na ang trabaho," saad dito. Nakita niyang mahagyang nagulat ito. Magpapatumpik-tumpik pa ba siya eh trabaho na itong lumalapit sa kaniya.
"Talaga?" Gulat na wika ni Kiel.
"Depende sa sweldo. Magkano ba?" Aniya sabay kindat rito.
Natigilan si Kiel. Tumingin ito kay Aryanna. Tila naman napansin iyon ng babae.
'Lokong ito, isipin pa yatang mukhang pera ako. Eh gusto ko lang naman malaman,' aniya sa isipan ng makita ang tinging pinukol nito sa kaniya.
"Pasensiya na mahigpit lang pangangailangan, may sakit kasi ang inay ko at —" Putol na wika ng sumabad ito.
"Kinse mil," sabad ni Kiel.
"Kinse mil?" Ulit niya.
"Oo, kinsenas-katapusan."
"Kinse
