SHANE
Siniguro kong mauuna ako kay Tuesday sa boutique. Eight o'clock pa lang ay narito na ako sa office; naghihintay kay Madam Eli at sa kaniya na rin.
Napaangat ang tingin ko nang may magbukas ng pinto at sumilip sa loob ng opisina. Nakita ko na naman ang magandang mukha nito.
"Good morning," masayang bati ko habang nangiti sa kaniya.
"G-good morning." Pumasok na ito at naupo sa single couch. "Maaga ka yata." Nakasuot ito ng skinny jeans at white long sleeve blouse, tinernuhan ng mataas na black sandals. Ang gandang pagmasdan. Mahusay siyang magdala ng damit at disenteng pagmasdan. Hindi rin magaslaw ang kilos.
"May lakad kasi ako mamaya, inuna ko na ang pagpunta ko rito." Simpleng ngumiti ako sa kaniya. "Ikaw, ang aga mo rin. Hindi ka pa ba nag-aagahan?"
Umiling ito. "Hindi na, du
