SHANE
Sinundo ako ni Mang Dado sa meeting place namin. Sa plaza malapit sa ospital ang usapan para maraming tao kahit gabi na. Nakasuot ako ng itim na t-shirt, itim na jacket at maong denim pants. Running shoes din ang napili kong suotin para madaling makatakbo kung sakaling may makakita sa akin na tauhan ni George. Suot ang face mask na itim, mukha akong mag-aakyat-bahay.
"Hindi rin ako makapasok sa kuwarto niya," sambit ni Mang Dado.
"Mabuti at mabait ang bagong intern nila na napagtanungan ko at walang alam sa nangyayari. Nagtanong lang ako kung gising na ang lolo mo at ang sabi niya ay oo, pero paralyzed pa rin ang kalahati ng katawan."
"Ano kaya ang ginawa ni George kay Lolo?" tanong ko. Hindi ko na siya matawag na kuya dahil sa mga ginagawa niya sa akin at kay Lolo. "Malusog si
