TUESDAY
"Anong mayro'n at parang may handaan?" bungad ni Papa pagpasok nito sa kusina, kasunod niya si Thursday. Naupo na sila sa mesa. Tumayo naman si Mama para asikasuhin sila.
"Itong manliligaw ng anak mo, nag-uwi ng maraming pagkain," natatawang sambit ni Mama. Paniguradong namumula ako. Ngayon lang may nanligaw sa akin na dumalaw sa bahay at kasalo ang halos buong pamilya ko sa hapag.
"Sinong manliligaw? Ikaw ba, Shane?" diretsong tanong ni Papa sa kaniya. Nag-iisang anak na babae ako kaya siguradong gigisahin niya si Shane.
"Oho, Mang Danilo. Magpapaalam ho sana ako kung pwedeng manligaw sa anak ninyo," tuwid na sabi niya. Wala siyang takot sa pagharap sa mga magulang ko. Hindi siya kabado o anuman. Seryoso kaya talaga siya sa akin?
"Wala namang kaso kung gusto mong ligawan ang
