SHANE
Madaling araw pa lang ng Martes ay umalis na ako ng inuupahan ko. Naalala ko ang sinabi ng Darius na 'yon, na susunduin nito si Tuesday kaya uuanahan ko na siya. Hindi ko alam pero wala akong tiwala sa kaniya.
Nag-taxi na ako patungo sa GDC Building para mas mabilis. Alas otso raw ang labas niya kaya maaga akong pupunta roon. Hihintayin ko na lang siya sa labas ng building. Suot ko ang face mask ko at bull cap, terno sa rugged look ko para siguradong walang makakakilala sa akin.
Ibinaba ako ng taxi di kalayuan sa GDC Building. Lalakarin ko na lang mula rito. Alas syete pa lang naman ng umaga. Dumaan muna ako sa convenient store para maupo at maghintay ng oras. Um-order na lang ako ng maiinom at snacks para hindi ako palayasin nang dahil sa pagtambay.
Inilabas ko ang phone ko para
